مــــــــــوت المشاعر

:

:

:

مآعاد باقي اتجاهك شي يدفعني ..
أرجوك تنسى زمآن رآح وانساني !!

وشلون أبطلب خفوق كان بايعني ..
صعبه نعيد الخطا ويّآك من ثاني !!

مآشوف حبك بعد ماصآر يقنعني ..
مدام قلبك يموت بنبرة احزاني ,,

حاولت اجامل لقيت الحب يخدعني ..
بين الحنايا رمى الطعنات وانهاني !!

عشها حيآتك بدون احباب طاوعني ..
واتركني اسلى واعيش العمر وحداني ,,

حيرني اكثر سؤال فيك ضيعني ..
من دون ذنب جنيته ليه خلاني !!

إن جيت عادي ترى وان غبت وش يعني ..
مآكنك إلا خطاي بسالف أزماني ,,

موت المشاعر .. تصور حيييييل يفزعني ..
لآقصى المتاهات منك الوهم وداني !!

الجرح الأول .. عقب ماطاب شيعني ..
والجرح الآخر .. عقب فرقاك ناداني ,,

ماكل شخص يمر القلب يخضعني ..
أموت مارجي حبيب صد بلساني !!

(العزه) اللي ربت بالنفس ترفعني ..
تجري بدمي سقاها نبض .. شريآني ,,

عوّدت منهو بغاني دوم يتبعني ..
ماطرد ورا إللي لامال الوقت ماجاني !!

اعلوم (الأجواد والشيمات) تمنعني ..
ماجازي إللي نوى تركي .. وهجراني ,,

واللحين مابي كلامك بس واسمعني ..
أرجوك تنسى زمان رآح ..وإنساني !!
أرجوك تنسى زمان رآح ..وإنساني !!
أرجوك تنسى زمان رآح ..وإنساني !!